యంగ్ హీరో అల్లు శిరీష్ సిక్స్ ప్యాక్ లుక్‌లో ఉన్న ఫొటోలు ఇప్పుడు సోషల్ మీడియాలో వైరల్ అవుతున్నాయి. కొన్నాళ్లుగా తన ఫిట్నెస్‌పై ఫోకస్ పెట్టిన అల్లు శిరీష్.. తను సాధించాలనుకున్న కండలు తిరిగిన దేహాన్ని పొందినట్లుగా తెలుపుతూ.. పిక్స్‌ని సోషల్ మీడియా వేదికగా విడుదల చేశారు. తన ఫిట్నెస్ గురించి ఈ మధ్య ఆయన ఓ వీడియోని విడుదల చేసిన విషయం తెలిసిందే. ప్రస్తుతం ఆయన బాడీ ట్రాన్స్‌ఫర్మేషన్‌కి నెటిజన్స్.. వావ్ అన్నట్లుగా రియాక్ట్ అవుతున్నారు. ఇక అల్లు శిరీష్ సినిమాల విషయానికి వస్తే.. ‘ఏబీసీడీ’ సినిమా తర్వాత కాస్త గ్యాప్ తీసుకున్న అల్లు శిరీష్.. త్వరలోనే ఓ చిత్రంలో పలకరించనున్నాడు. ఆయన పుట్టినరోజైన మే 30న ఈ సినిమాకు సంబంధించిన వివరాలను తెలియజేయనున్నారు. అను ఇమ్మాన్యుయేల్ హీరోయిన్‌గా నటిస్తోన్న ఈ చిత్రం మెజారిటీ భాగం షూటింగ్ అయినట్లుగా అయితే తెలుస్తోంది.