నందమూరి నటసింహం బాలకృష్ణ సరసన సీనియర్ హీరోయిన్ త్రిష మరోసారి జత కట్టనుందా.. అవుననే ఓ వార్త ప్రస్తుతం సోషల్ మీడియాలో చక్కర్లు కొడుతోంది. క్రాక్ సినిమాతో ఫాంలోకి వచ్చిన దర్శకుడు గోపీచంద్ మలినేని బాలయ్య కోసం ఓ పవర్‌ఫుల్ కథను సిద్దం చేస్తున్నాడు. ప్రముఖ నిర్మాణ సంస్థలో రూపొందనున్న దీనికి సంబంధించిన అధికారక ప్రకటన త్వరలో రానుందట. అయితే ఇందులో బాలయ్యకు జంటగా త్రిష పేరు పరిశీలిస్తున్నట్టుగా ప్రచారం అవుతోంది. ఇంతక ముందు వీరిద్దరి కాంబినేషన్‌లో లయన్ సినిమా వచ్చిన సంగతి తెలిసిందే. మరోసారి వెండితెర మీద ఈ జంట అలరించనుందని తెలుస్తోంది. అయితే అధికారకంగా మాత్రం మేకర్స్ నుంచి దీనికి సంబంధించిన కన్‌ఫర్మేషన్ రావాల్సి ఉంది. ప్రస్తుతం బాలయ్య బోయపాటి శ్రీను దర్శకత్వంలో అఖండ చేస్తున్నారు. దీని తర్వాత గోపీచంద్ మలినేని ప్రాజెక్ట్ పట్టాలెక్కనుంది.