ప్రభాకర్ చౌదరి నంద్యాల
నంద్యాల నవంబరు 5( ప్రజాన్యూస్): ఉత్తర అమెరికా తెలుగుసంఘం(తానా) అద్యక్షుడిగా అఖండ మెజారిటీతో గెలుపొందిన తెలుగుతేజం కర్నూలుజిల్లా శిరివెళ్ల మండలం రాజనగరం వాసి శృంగవరపు నిరంజన్ ఇండియాకి వస్తున్నారు..ఈనెల 7,8 తేదీలలో కర్నూలుజిల్లా నంద్యాల, శిరివెళ్ల మండలం రాజనగరం గ్రామాలలో రెండు రోజులపాటు తానా అద్యక్షులు వివిద కార్యక్రమాలలో పాల్గొననున్నారు..7వతేదీ మద్యాహ్నం నంద్యాలనుండి శిరివెళ్ల మండలం రాజనగరం గ్రామానికి నిరంజన్ చేరుకుంటారు..రాజనగరం గ్రామంలో గ్రామస్థులతో పాటుగా రెండు తెలుగురాష్ట్రాలలోని తెలుగు వారు, తానాఅద్యక్షస్థానంలో మొట్టమొదటిసారిగా తెలుగుగడ్డ కు అడుగుపెట్టిన తెలుగుతేజం నిరంజన్ని ఘనంగాసన్మానించనున్నారు..అనంతరం తానా పౌండేషన్ ద్వారా అనేక కార్యక్రమాలకు తానా అద్యక్షులు శ్రీకారం చుట్టనున్నట్లు సమాచారం..కాగా తానా అద్యక్షుడు కార్యక్రమాలను మీడియాద్వారా తెలుగు ప్రజలకు అందించేందుకు ప్రింట్ అండ్ ఎలక్ట్రానిక్ మీడియా ప్రతినిదులు కార్యక్రమానికి హజరయి కవరేజి ఇవ్వాలని కార్యక్రమనిర్వహకులు పుల్లయ్యచౌదరి,వేమసాని శ్రీనివాసరావు తెలిపారు.