యంగ్ టైగర్ ఎన్టీఆర్‌ తన 30వ సినిమాను సక్సెస్‌ఫుల్ డైరెక్టర్ కొరటాల శివ దర్శకత్వంలో చేయబోతున్న సంగతి తెలిసిందే. ఇటీవలే ఈ ప్రాజెక్ట్‌ను అధికారకంగా ప్రకటించారు. తాజాగా ఈ చిత్ర నిర్మాతలు తారక్ బర్త్ డే సందర్భంగా ఆయన న్యూ లుక్‌ను వదిలి సర్‌ప్రైజ్ ఇచ్చారు. స్మార్ట్‌గా టక్ చేసుకొని క్లాసీగా ఉన్న ఈ లుక్ అదిరిపోయింది. దీన్ని బట్టి చూస్తే కొరటాల జనతా గ్యారేజ్‌లో చూపించిన పాత్రకంటే పూర్తి భిన్నంగా, స్టైలిష్‌గా చూపించబోతున్నాడని అర్థమవుతోంది. ఎన్టీఆర్‌ ఆర్ట్స్, నందమూరి కల్యాణ్‌రామ్‌ ఆర్ట్స్, యువ సుధా ఆర్ట్స్ సంయుక్తంగా నిర్మిస్తున్నాయి. ప్రస్తుతం ఎన్టీఆర్‌ రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కుతున్న భారీ మల్టీస్టారర్ ఆర్ఆర్ఆర్‌లో కొమురం భీమ్గా నటిస్తున్నాడు. మెగా పవర్‌స్టార్ రాం చరణ్ మరో మన్యం వీరుడు అల్లూరి సీతారామరాజుగా నటిస్తున్నాడు. ఈ సినిమా తర్వాత ఎన్టీఆర్‌ – కొరటాల సినిమా సెట్స్ మీదకు రానుంది.