కర్నూలు జిల్లాకోెడుమూరులో వింత అగ్ని ప్రమాదం.. ఓ ఇంట్లో గంట గంటకు చెలరేగుతున్న మంటలు..

కర్నూలు ఆగస్టు18(ప్రజాటివివెబ్ న్యూస్): కర్నూలుజిల్లా కోడుమూరులో వింతచోటుచేసుకుంది..ఓ ఇంట్లో గంటగంటకు మంటలుచచెలరేగుతున్నాయి..ఒకసారి కాదు, రెండు సార్లు కాదు, గంటకోసారి మంటలు అంటుకుంటూనే ఉన్నాయి. కట్టుబట్టలు తప్ప.. ఇంట్లో ఉన్న వస్తువులన్నింటికీ నిప్పులు రాజుకుంటున్నాయి. ఒక చోట మంటలు ఆర్పితే.. మరో చోట పుట్టుకొస్తున్నాయి. అది చూసి బాధిత వ్యక్తులు తీవ్ర భయాందోళనకు గురవుతున్నారు.  . కోడుమూరు గ్రామానికి చెందిన బాధితుడు ఖాజావలీ కథనం ప్రకారం.. అతనికి మూడు ఇళ్లు ఉన్నాయి. ఈ మూడు ఇళ్లలో గంటకోసారి మంటలు చెలరేగుతున్నాయి. కట్టుకున్న బట్టలు తప్ప అన్ని బట్టలు, ధాన్యం మూటలు, వంట సామాగ్రి, ఇతర సామాగ్రి అన్నింటికీ మంటలు అంటుకుంటున్నాయి. ఒకచోట మంటలు ఆర్పితే.. మరోచోట మంటలు చెలరేగుతున్నాయి. ఇలా గంటకోసారి ఒక్కొక్క చోట మంటలు చెలరేగుతుండటంతో.. బాధితుడు తీవ్ర భయాందోళనకు గురవుతూ.. వాపోతున్నాడు. ఈ వింత ఘటనను చూసేందుకు స్థానిక జనాలు బాధితుడికి ఇంటికి భారీగా వస్తున్నారు. అదికారులు స్పందించి వింత మంటలకు కారణం కనుగొనడంతో పాటుగా తనను ఆదుకోవాలని భాదితుడు ప్రభుత్వాన్ని కోరుతున్నాడు